دنيا دايرة ملهاش كبير 
وكمان غدارة والغدر مرير
ياما جنت على ناس كتير 
كانوا أمراء والوصف صغير
صاروا أذله صاروا حناطير 
للي يركب وعايز يطير
دنيا شمال بقت تافه بلا ضمير 
الكل عايشها عيشة الأسير
أيامها واقفة ضد الفقير 
خلته يجعر منها ويستجير
جعيرة ياعم خرم آذان القبور 
إلا أصحاب الهوان والسعير
دنيا طايشة بجد أسمعها مني ياضرير 
بلاش تصغر الفقير دا شيء عليك هايكون خطير
دي دنيا حقيرة راكبها الغرور
خلي بالك بكرة وأكيد جاية عليك وبالكتير
ضحكت ياصحبي على اللي قال
على نفسه ف يوم انا النجم انا المشهور
خلته يعد النجوم 
في عز الضهر ساعة نار زمهرير
ليه ياصحبي تخلي نفسك فيها
شخص نكرة أو حنطور
خليك مفتح فرق بين 
الضرورة وبين الضرر الضرير
غيرك أفتكرها دنيا ديما 
بتحلب عسل وعزومة فطير
طلعت معاه دنيا قرعة نزعت البهجة منه
وأغتالت الفرحة من صدره الأثور