العيد فى عيونك / حاجه تانيه
والفرحه ماغابت / ولا ثانيه
وكفايه البسمه / على شفايفك
تداريها لكن / قلبى أنا شايفك
والفرحه فى / عيونك طاله
بجمال ربانى / ماشاء الله
حتى الفستان / فرحان بيكى
والكُحل بيرقص / فى عنيكى
والقلب سعيد / وانتى معايا
وبيرقص على / لحن غُنايا
دقات القلب / بتهواكى
والروح اهى / دابت فى هواكى
والورد بيطرح / على بابنا
عقبالهم بقى / كُل احبابنا
والعيد بالفرح / يجمعنا
ونغنى والكل / سامعنا
وطيور الحب / تغنى لك
على لحن العيد / مع مواويلك