صباح الخير يامو أمل صباح الفل ياامو شروق معرفش ليه كل ما امل أبص فوشك حبه واروق ربنا يديم المحبه يا عشرة عمر ع الغالى وتزيد مابينا حبه حبه أختى وشباكها اللى قبالى عاملين إيه ياختى الولاد إسم الله لسا نعسانين وانا كمان عندى وداد متقومش غير بالضالين يللا ياحبيبتى أهم يومين يدلعم قبل المدارس والنبى يا أختى ماعرف منين هنجيب شنط لحمد وفارس سيبيها عليه ولا تشيلى هم بكرا ربك هيدبرها هتعدى بإذنه وهتتلم والناشفه فإيدك هيخضرها
