مش كان بينا ياحبيبي انا وانت ميعاد
ولآ انت اتعودت خلاص علي البعاد
فاكر لما قولت يومين ياحبيبي وراجع
زودت ليه ياحبيبي علي اليومين يومين
وسايبني من غيرك في الدنيا ضايع
مين هو اللي نساك ياحبيبي حبي مين
ومين أساك عليآ وخلاك تخلف ميعادك وتهجرني
وخلاك تبعد عني اربع ليالي وتعذبني
ازاي يهون عليك ياقاسي تنسي الميعاد والوداد
وانا إللي اتحملت اليومين دول غصب عني
ومهما كان بيني وبينك بحور وبلاد
مقدرتش ياضي عيني في غيابك لحظه انساك
ولا قدرت انسي همسه من همسات حبك وهواك
وطول الليل عيني رايحه وجايه علي الشباك
ازاي تقدر تغيب عني كام يوم وتسيبني عطشان حنان
او تفكر تبعد وتألم روحي اللي ساكنه معاك من زمان
إنت عارف ان طيفك ماسابني وگان معايا في كل مكان
وقلبي گان ملهوف عليك وبالشوق والحنين مليان
هو إيه اللي دوبني فيك غير العطف والحنيه
ليه تعذبني وتقسي عليآ وتعوِّد قلبك ع البعد والأسيه
وانا مقدرش يوم أستغني عنك او تحرمني ليله من لُقاك
ولاَّ بتتدلل عليآ ياحبيبي وعاوزني
ابكي واترجاك
لو جيت عليآ وظلمتني تاني انت والأيام
والليل طال عليا وحرم عيني النوم وعقلي من الأحلام
هاخد علي خاطري منك واخاصمك ومش هصالحك
وقلبي هيفضل زعلان منك ومش هيسامحك
علشان قدرت تبعد عني وتعذبني وانا اشتقلك
ياأجمل قدر واحلي نصيب جاني دايماً بحتاجلك
ياامل قلبي اللي حلمت بيه وحبيته وعشقته
والحبيب اللي اتخيلته واتمنيته واتصورته
وفي قلبي طبعت حبه وعلي نن عيني رسمته
إوعي تغيب ساعه تاني عني يااغلي حبيب
دا انت بتوحشني حتي وعيني جوه عينك وفحضني قريب