الناس شمال ويمين
اْو ما بين البينين
لكن انت من بجاتك
موجود في النحيتين
عمرك ما كنت اْمين
يا معلم الخاينيين
حتلاقي ياما شبهك
بالفوطة متحزمين
اْولها مع إللي زيك
إسمعني ف حزب خالتك
-
حزب خالتك
احمد صبري
-
حزب خالتك عند ستك
لم شلة مجذوبين
وانت من عبطك وخيبتك
ع الضلال بتقول اْمين
هي كوسة هي فوضى
ف العقول دول تخبولين
الكبير بتجيله شنطة
والباقي حبة شحاتين
الثقافة ليها ناسها
والسياسة محبوسين
واللي مايعرف اْساسها
ف المجالس متساقين
-
الورق بيقول ذكر
بس خوفو خنثو
كل دول من غير نظر
مضبوشين بيحسسوا
مين يقول ان العبط
بالهبل هنلحوسوا
يجي معتوه بالغلط
يمسك منانا يحبسه
وانت فرحان بالصور
واْي باشا تحسسه
إنه بقى سيد البشر
شراب وجزمة تلبسه
-
حزب مين ماتفوق يا خال
دول يومين راحوا لحالهم
كل دول شوية عيال
الرقص والمغنى عملهم
دول جنود البغبغان
الكرامة مالها ومالهم
اْقوى ما فيهم جبان
يمكن اْصغر من عيالهم
وإللي فيهم مستخبي
لما شافهم قام دعالهم
واللي عايز يجي حزبي
مش هيسلم من شكلهم