خلينا بعيد ياواد يا دومه 
مالنا احنا ومال الحكومه 
أنا كافى دايما خيرى شرى
بحب كل الناس وعشرى
ساكن معرفش ليا بيت
عايش وعمرى ماشتكيت 
واسأل عليا فى الديوان
محدش يعرفلى مكان
أصلى الفرض حين يحين
لا ليا فطور ولا فطحين
لاعمرى دخلت قسم شرطه
ولا احب اكون واقع فورطه
ولما اشوف الغم جانى
ألف م الشارع الجوانى
أحب الضحك ولنبساط
وحبايبى من كل الأوساط
مسمعش نشرة الصباح 
واسمعها ليه مدام مرتاح
ولا بسمع نشرة المسا 
غير لو أخبارها كويسه
غلطان بقى أو مش غلطان
أنا احب اعيش دايما سلطان 
كل الناس عندى أحباب
فريد لطرش وعبوهاب
واحب اضيف أيضا معلومه 
بسمع فايزه ونجاة وسومه 
خلينا بعيد ياواد يا دومه 
مالنا احنا ومال الحكومه