لحد امتا هفضل مكوي بحبها والصمت مصاحبني
لحد امتا هفضل بعيد عنها وصورتها بتحاربني
كل ماشوفها اسرح ولساني بيبقي عاجز
نفسي اصرحها بحبي وااتخطى كل الحواجز
امتا بقي اسألها وعيونها بكل لهفه تجاوبني
خايف تصدني ولا خايف متكونش بتحبني
ولا خايف تكون بتعشق غيري والصدمه تهدني
ولا خاايف من رمشها يطعني ويتوبني
((رد القلب علي العقل))
لازم تكون قوي لازم تكون عنيد
متبصلهاش واتهرب من بعيد لبعيد
وترجع تاني تعاقبنى وتسهرني وتأنبنى
ازاي محتاجها ف حضنك ومش قادر تصارحها
مش يمكن بكلمه حلوه منك تفرحها وتريحها
ولا عاوزها تعترفلك هي وبسكوتك تجرحها
لما تقدر تقف قدامها ابقي تعالي حاسبني
يلا روح لها مضيعهاش من ايدك وترجع تدمعلى
دموعك ساعتها مش هتفيدك ولاحتي هتشفعلي
انا عن نفسي نبضي بيرتجف وسهمها صايبنى
اعملها مره ف حياتك وتجرأ وخد قرار
لو فضلت طول عمرك خايف هتعيش ف نار
كفايه بقي سكوت حالك مش عاجبنى
انت لسه ف أول مشوارك ولو رفضت تقدرتنساها
لاانتا سكرت بين شفيفها ولاغرقت ف بحر هواها
اقطع عرق وسيح دم يالا اسمع كلام هاودني
لاانتاا اول اللي حبوا ولا اخر اللي هيتصارحوا
ولا اول اللي هيعترفوا ولا اخر اللي هيتجرحوا
ولا انتا نااوي طول عمرك ف الهم تدوبنى