دماغى عاليه ياواد يا بليه
قوم انتا بص على الزبون
وفهمو ان الدنيا غاليه
متخليهوش يعمل مجنون
أسعارنا ياواد هنا بمزاجنا
تزيد جنيه نحط عشره
أصل البلدى بقت بلدنا
بينا وبينها صحبه وعشره
سخنى يا حكومه ولا يهمك
واحنا بقى اللى علينا نسلخ
هاتى المفتاح وخلى عنك
نربطلك العقل الملخلخ
غلى زى منتى عايزه
واحنا بردو اللى عايشين
كل متبقى الدنيا بايظه 
نلحق نلهف لنا قرشين
هات ياواد نشرة تمانيه 
وشوف الشعب جالو كام
ونزل التسعيره التانيه
متخليهوش يلحق ينام