سليم سالم سلامه 
وسلامه سلمه 
وكانت فيه علامه
ومحدش فهمه
وكمال كلم كامل 
وكامل كنسله 
أصلو مكانش عامل 
حسابو يبصله
مفيش أمان لحد 
ولا سبت ولا تلات
علشان كدا لابد 
نستوعظ م اللى فات 
بتحب الكلام حقيقه 
وللا الكلام مزوق
الناس بتكون رقيقه
لما تشوفك مروق
قاعد تقولى استنى 
لما نشوف النهايه
ياسيدى محنا كنا 
عارفينها م البدايه
أنا هنصحك لإمتى 
وسيادتك بتنفضلى 
خليك كدا زى منتا
وشوفلك حد بدلى