قلبى سمع صوتك
ونبضى جرى يشوفك
همست ونطقت اسمك
لقيتك حضنانى برموشك
وشفت ف القمر وجهك
ولمحت الحب فى عيونك
وروحى فاتحة باب قلبك
تداري فرحتها فى روحك
وبسمة حلوة من ثغرك
ومعاها غنوة من بوحك
واتحقق حلمى مع حلمك
ولضمت حروفى بحروفك
وقلبي طاير عليكى يندهلك
ولقيت روحى فى كفوفك
عشقت الحب من صورتك
وأدمنت العشق من طيفك
وجريت ياعمرى على حبك
وأحلامى مناها انها تبوسك
وقلبى يدق بلهفة ويقولك
دا انتى عمرى وانا روحك