ياحبيبي حياتي معاك حلم جميل باتمناه طول ايامي
شوفت معاك ليالي حب وغرام وهنا حققوا كل أحلامي
لما شوفت عنيك ياحبيبي حسيتها للجنه والنعيم وخداني
وشوفت فيهم بر الأمان وطيبه وحب وحنان صعب يتكررو تاني
خلوني أعيش قصة حب جميله كل ليله ماكانت علي بالي
وشوفت بعيني الأماني والأمال اللي كنت باتمناها لزماني
لما جيت ياحبيبي ضحكتلي أيامي ونسيت الآمي
وشوفت الحب الحقيقي بين أحضانك حبيبي ونسيت اوهامي
ورضي عليآ الزمان وعوضني بيك حبيبي ونسيت قسوة الليالي
وكفايه احساسي اللي عيشتوا معاك حبيبي وحنيتك عليآ
احساس جميل عمري ماحسيت بيه قبل القدر مايبعتك ليآ
وكفايه عليا لما عيني تحضن عنيك
بشوف فيهم دنيا تانيا
دنيا عمري ماعيشت فيها ولا حسيت بيها من قبل منك
وياما حكيت للقمر والنجوم ياحبيبي عنك
وعن طيبة قلبك وحنيتك وعن الدنيآ الجميله اللي بشوفها جنه في عنياِ
والليالي الطويله اللي عانيت من ألآمها وآهاتها واثرت فيآ
والدموع اللي سالت ليالي وليالي قبل منك علي الخدود
ياحبيبي دانا قبل منك شوفت ويل ومرار وغدر ماله حدود
ضمني ياحبيبي لحضنك وخليني انسي اللي ضاع من عمري
خليني انسي احزان السنين والليالي اللي عذبت روحي وقلبي
وجيتني ياحبيبي ومعاك الحب والحنيه والحلم الجميل
اللي هينسيني كل شيء كان قبلك ياللي حبك ماله مثيل
وهتعوضني ايام من عمري راحت كان فيها القلب عليل
وعمري ابتدا بلقاك وطريقنا مفروش أمل وزهور بعد ماكان عتمه وليل طويل
وبادعي رب السما من جوايا يخليك ليا يااغلي حبيب
واعيش احلي ايامي معاك وتبقي العمر كله غالي وقريب