يللا نضحك النهارده
ونهدى كل اصحابنا ورده
يللا نقول فيوم الحد 
محدش فينا هيزعل حد
منغير لف ولا دوران 
نتعاطى حبوب الغفران
يللا نغفر .. يللا نسامح 
وكل المتخاصم يتصالح
لو فينا حد ارتكب الذنب 
يقعد مع نفسه على جنب
ويعيد حساباته من تانى 
يمكن كان ظالم وأنانى
ونقول للزعلان آسفين 
بصراحه كنا مش فاهمين
ونفكر كدا نلتمس العذر 
ونغفر للى ارتكب الوذر
لو له حق .. نديلوا حقه 
ولا نخطف لقمه من بقه 
تعالوا نعمل مره الصح 
ونقول للشر كفايه وبح
ندى أجازه يوم للقاضى
محدش فينا فيه متقاضى
نتعامل مع غيرنا برقه 
نبدأ باللى معانا ف الشقه 
الزعلان يللا نبوس راسه 
ومنجرحش تانى إحساسه
تعالوا ندعى نقول يارب 
تطرح فينا شجرة حب