وآه ياحب آه مين علمك الأسيه ياحبيبي مين
ومين أساك عليا ونساك الشوق والحنين
وانت في عيني شايلك وساكن في قلبي من سنين
كنت ليك الحب والحنيه وكنت ليا الهجر والأسيه
ليه ياحبيبي تنسي الليالي الجميله اللي بينا ومعاها الذكريات
وبعد ماكنت حنين تأسي عليآ وتخلي بينا مسافات
وبعد ماكنا حبايب مُغرمين وفي الهوى دايبين
مين غيرك وخلاك تهجر حبايبك وتسيبهم محرومين
وآه يانا آه من الشوق والحنين اللي بدلتهم أسوتك آهات وأنين
وان كنت تقدر تنساني ازاي وانت روحي هقدر أنساك
ولو قلبك راح لغيري ازاي هعيش من غير هواك
وانت اللي اسمك وحبك في قلبي من قبل ماشوفك محفورين
ولما قابلتلك وضحكلي الزمان كنا بهواك مبسوطين
وبقيت أحلي ايامي وكل أحلامي وحبي وغرامي الأولآني
وبقيت في البعد ناري وعذابي وفي القرب كنت جنه بالنسبالي
وبقيت منك وانت مني وغيابك عني كان بيتوهني ويغير حالي
وازاي بعد الحب اللي حبيتولك يهون علي قلبك يخدعني
وتأسي عليآ بعد ماعشت عمري معاك وبسهوله تجرحني
وتنسي حبي وقلبك يلوف علي غيري وتجري وراه
هو يعني علشان قلبي طيب معاك تأسي عليه وتبيع هواه
هسيبك تجرب هوى غيري ولما ترجع مش هتلاقيني
علشان جرحك هيفضل جوايا وهيكون حاجز بينك وبيني
وهاجي علي نفسي أنا وقلبي اللي ظلمته ونتحمل كمان بعدك
اهون من عذاب الإحساس انك عايش معانا ومش حاسين بقربك