ليلاتي ويا طيفك ياحبيبتي سهران ومعانا اجمل ذكرياتنا
وحاسس إني عايش معاكي كل لحظه فاتت علينا ومعانا احلامنا
وشايفك انتي اللي جنبي بجسمك ورسمك وروحك ودمك
حتي ايدي حاضنه ايدك وحاسه بيها وهمس انفاسي بتهفهف في شعرك
وقلبي دقاته حاسسها وسامعها فرحانه بيكي وبتنادي إسمك
ياحبيبتي دانا لسه فاكر كل همسه وكل كلمه حب وشوق قولتهالي وقولتهالك
وكل نظرة حب وحنيه وضحكه حلوه كانت بتشوفها عيني في عينك لسه عيني شيفهالك
وكل كلمه من كلام الأغاني اللي کُنا بنسمعها سوا لسه انا وقلبي بنغنهالك
ولاثانية عدت عليآ ياحبيبتي وانتي بعيده عني حسيت بيها وعيشتها
يادنيا جميله وشمس صافيه مدفيا حياتي..دنا حياتي من غيرك كِرهتها
واللي بيني وبينك ياحب عمري من حب وشوق وغرام
كتبتوا بدمي وسطرتوا بنبض قلبي للحبايب وللعشاق حكايات للأيام
حكايات عن حبي وحبك بكل المُثل و المعاني
اتولدت وكبرت في قلوبنا غصب عن حسادك وحسادي
علشان حبنا واخلاصنا لبعضنا ياحبيبتي ملوش حدود ونهايات
وعمري ماقدر انساكي وانسي حبك اللي عايش معايا مهما گانت بينا المسافات
ولما قست علينا قلوب وحبوا يفرقوا بيني وبينك ويبعدونا
نسيوا ان انا وانتي عايشين بروح واحده وقلوبنا دايبه وما هيقدروا يحرمونا
ده انا كلي ليكي ياحبيبتي وعمري كله فداكي
وروحي وقلبي وفؤادي عايشين في الدنيآ بهواكي
وكل لحظه بيطمنوني انا وعيوني المشتاقين ليكي
وليلاتي بينادوكي تزوري منامي أو يروحوا يزوروكي
دا انا ياحبيبتي هموت من لهفتي عليكي وگواني شوقي وحنيني إليكي
ارجعيلي ياحبيبتي وكفايه بُعاد وتعالي خلآص تعبت انا وقلبي من طول الغياب
وكفايه ايام وليالي عدت عليآ سنين وانا عايش من غيرك بأعاني من العذاب
ولمآ تحن عليآ الأيام وترجعيلي ياحبيبتي هشيلك في قلبي وبين ضلوعي ياأغلي الأحباب
وهاخبيكي في نن عيني ومن فرحتي بيكي هانسي حتي العتاب
