هعوضك قسوة حبيبك 
وهعوضك كل اللي فات 
هعوضك أجمل سنين 
في العُمر عدت مِن سُكات 
بس إنتي وافقي 
واللي نفسك فيه تلاقيه 
كُل طلباتك مُجابه 
شاوري بس بطرف عينك 
تلقي خدامك مُطيعك 
من سنين عايش لوحدي 
وبحلم ألقي واحده زيك 
آه بحبك وإنتي ملكة 
كُل حِلم حلمة بيه 
حني يا أم القلب قاسي 
وقولي آه تلقي حُبي 
زي جنة في أرض صحرا 
تشرح القلب الحزين
حني يا أم القلب قاسي
وقولي آه 
حني يا أم القلب قاسي 
قلبي عاشقك من سنين 
حني وإنسي ذكرياتك 
واهجري الماضي اللي فاتك 
وبصي للعمر اللي جاي 
تلقي جنبي العُمر أحلي 
حني وإنسي حب مات 
إنسي قلب في يوم قسي
حني وإنسي قلب مات 
ده اللي مات لابد إنه يتنسي 
خلاص نسيوك يا أطيب قلب
في الدُنيا خلاص نسيوك 
وجناين الورد بتفتح ف تطرح شوك 
مهوش باين لعين عُشاق 
ملوا فُراق وبالأشواق بيتواعدوا 
ويتقابلوا ويتباعدوا 
وقلوب تانيه بتتقطع من الفُرقة
وآه بحُرقه على اللي راح ولا رجعشِ 
ولا قالشِ لحَد سلام 
يا قلبي حرام كفاية دموع 
علي قلوب ناس ماحستشِ 
فراق الناس اللي حبتها 
ولبت كل رغباتها 
وكل حياتها وهبتها 
وكان أقصي أمانيها 
تكون ديماً شايفه الضحكة 
مرسومه على خدودها 
وتملي الفرحه في عنيها 
خلاص نسيوك يا أطيب قلب 
في الدُنيا خلاص نسيوك