متعلقين بحبال امل 
زي المشانق
بنمشي الطريق لاخره
ونلاقي في الاخر مفارق
بتمتلكنا وقتها لحظة ألم 
وجعها عمره ما يتوصف
ولا يحسوش الا اللي فارق
ونقعد نقول انهو طريق
اللي يوصل للسعادة 
ولا نرجع تاني من نفس الطريق
نشرب مرار القهر 
في قهوة سادة 
ولا مش فارقة الحكاية
ما الهم والاحزان خلاص
دول صبحوا عاده
ونعقد نلف ندور 
وتايهين في الطريق
ما نلاقي بر امان
ونبقي كالغريق
طب نعمل ايه 
في التوها واحنا لوحدنا
لافي حبيب
ولا قريب 
ولا صديق
يعدي الوقت
ويفرد ليلنا في ساتيره
ومرة نناجي نجم الليل
ومرة نبكي ونحايلة
عشان يهدينا اي طريق
يكون مخفي ولينا شايله
ونرجع نبتدي الرحلة 
علي حبال الامل ماشيين
يا اما آخرها طاقة نور
يا اما نعود بقلب حزين