خد ويا الدنيا واديها 
واسألها واسمع منيها
مين رجعنا واللى وجعنا 
الأرض وللا اللى عليها
خبط لها خبطه ع الباب
واسألها إيه الأسباب
كلمها حايلها .. وداديها
ليه بالزوق تحتنا بقوا فوق
واحنا اللى بقينا تحتيها
هوا طمعنا وللا جشعنا 
خد منها إجابه لها معنى
خليها تشرحلك معانيها
إللى طلعوا .. طلعوا ازاى
مشيوا وقالولنا باى باى
وقعدنا لوحدنا .. نديها
مين عودنا نقول الآه
شعب . أو حكام . وولاه
وللا نفوس ربنا يهديها
خد ويا الدنيا واديها