كلمتين في قلبي هقولهم لكل انسان مخلص وابن أصول
وافهم كلامي انت وهو إن كنت موظف أو مسئول
كلآمي كمان للتجار هنا وهناك وللمدرس والدكتور
خلي رزقك رزق حلال من غير جشع واستغلال تعيش مستور
وخلي بينك وبين الناس الرحمه تكون هي العدل والدستور
واوعي في يوم من الأيام تظلم غيرك وتبقي كسول
وإوعي الحرام في يوم يغريك مهما يزيد ومهما يكون
وخلي ضميرك دايماً صاحي لما يجيلك شيطان ملعون
ومهما يكون ماله كتير بس حرام أرفض تيجي علي غلبان
اوعاك تضعف يوم وياه دآ الكل خلآص بقي تعبان
ولو مره المال زهزه فعنيك حُط نفسك علي طول في مكانه
هتلاقي نفسك بيه حسيت وبقيت انسان وهترحم حاله
ازاي تنام مرتاح البال وانت بتظلم كل الناس بضمير معدوم
إفهم كلامي واعمل بيه وخلي عندك يقين بالله ان الرزق لينا مقسوم
عمر الرزق ماكان يانفوس بس اطيان ودهب وفلوس
ليه تكون علي الناس مسعور وتبقي عايش تعيس موكوس
ان كنت ف صحه وراحة بال والحال مستور يبقي معاك أغلي كنوز
قارن حالك بحال الناس وبلاش تبص لأي نفوز
هتلاقي حالك احلي كتير من ناس تانيين عايشين راضيين
علشان حاسين برضا وقناعه ولنعم ربنا شاكرين حامدين
والله بيبقي صعب عليا لما بشوف ايادي ذليله ما تستاهل غير قطعها
وناس مش طايلة وبعيون حزينه بتدى لناس شويه عليها ياناس دبحها
واللي طالع من بيت جعان 
عمره ماهيبقي في يوم شبعان وهيفضل طول عمره نتاش ومرتشي
عايزين نكون إيد واحده نمنع الرشوه من حوالينا والكل لازم من نفسه يختشي
علشان ضميرنا وراحة بالنا لازم نعود لكلام ربنا وكلام الرسول
هنلاقي البركه تملآ حياتنا ونعمة ربنا تبان علينا وتزيد ماتزول