لما كنت بشوف عنيكى
والقى قلبي بيناديكى 
واما شوقى يسبقك
وينادى شوقك ويناديكى 
كنت نفسي ساعتها ايدى 
تلمس باطرافها ايديكى
كنت انام واحلم بهمسِك
واتمنى من بعيد للمسك
واشم من بعيد قدومك
اقول دى جاية 
واعرف دخولك
من بعيد جاية علية 
من بس ريحتك
منا راحتي راحتك
واما يجرى علية طيفِك
بينادينى بيودعلى خوفي 
بيغير خريفى 
بيرطبلى صيفى
كنت لما بشوف شبيهِك
اقعد اتملى فى جمالها
واقول حبيبتى زيها
تشبهها لكن..... لا 
حبيبتى اجمل منّها 
كل ده جوايا ليكى 
كنت احسه وانتي
طبعا مش هناااا
وانتى مش فارق معاكى
ف يوم انينى او حنينى
كل ده انا كنت حسه 
وافضل اترجى فى سنينى
انها تمشي..
تعدى لاجل اكون معاكى 
وف عز شوقى وف حنينى
اشوفك
ولا فارق معاكى
لافارق انتي عنى بُعدك
ولا حتى فاكرة انى بحبك
كنتى نسيانى كأنى مش هنا
لكن الالم علِّم ف وشي
وكنت عارف انك حتمشي
ولا انتى حاسه
وألا عادي اما تحسي
مبقتش فارقه انك تبثي
جوايا الامل
او تخلعيه من غير وداع 
او تزرعي فية الالم
مبقتش فارقه
مبقتش فارقه بقيتى ليل
جوة السما من غير نجوم
من غير ماحتى تسيبى حس
مع الغيوم
بقيتى ذكرى مؤلمة كل 
ماافتكرك افتكر السراب
اللى ممزوج بالسموم
بقيتى حلم محبهوش
حتى بالنهار يجينى 
بقيتى نار بتحرق 
عود حطب وبتقوينى
بقيتى ورد النيل ف نيلي
اللى يشوفه يعجبه
لكن جذوره قاسية
بتسحب عزمه
بقيتى شيخوخة سنيني
بس لأة
اه ودينى الف لأة
مبقتش فارقه
انك تحبي والا تخونينى
وده بقوله بكل خاطرى
وده يميني
انك خلاص من النهاردة
مش ف قلبى 
ولا حشيلك جوة عينى
مبقتش اشوفك جنتي 
حبي الوحيد ف دنيتي
و اما اكونلك هتصونينى 
مبقتش عايز افتكرلك
حاجة فية هتصحي حنيني
مبقتش طايق افتكر
حتى مجرد الرجوع
ليوم فيه....
حبتيني
مبقتش فارقة