قول للشهيد ابتسم
وخلى صورتك تترسِم
محفور مكانك هنا
ومكان فلان وفلان
قول للى ماتوا معاك
اتدفع فيهم كام
قول للى ماتوا هناك 
وكانوا رفاات
مبقتش صورتهم ذكريات
مبقتش اخاف 
من اللى كانوا السبب 
ودمعهم روتوشات
مبقاش معايا الا صوتي هناك
صوت القلم...
بيكتب اسكتشات
رسم الدموع ع الخد وسكن
والماضي كله اهو فااات
قول للشهيد اللى اتقتل اضحك
على اللى ماااات
قول للجبان اللى استخبى
اهو بان
وسيرتك صورة لصنم
بقت على كل لسااان
قول للمنافق ينافق نفسه
قبل اى فلااان
قول للفلان ده هتبكى انك 
دبحت فلان
فلان ده عايش ودمه سخن
فى السما والارض وف الاحلام
لكن انت ميت من زماااان
واتقرا عليك كماان سورة الانسان
قبل ماتبكى علينا ابكى على اللى كان
وابقى افتكر تبكى على انك
كنت ف يوم انسان
دلوقتى صبحت فلان
ابن عم........ فلان
بياخد اوامره اوااام 
وينفذ الاحكااااام
مبقاش لصوتك لساان
مبقتش ليك عنواااااان