قصتنا قصة طويلة
من قلب الحدث 
وكانها قصة مثيرة
لكن صاحبة هدف 
بتجمل واقعنا
بتزخرفه بصدف
على شط فاضى
بعقل راضي
كلمة وقالها السلف
اشتغل اشقى اتعب
بس بلاش السلف
اصل السلف تلف
والتلف بقى بحوور
شايف رملنا بيغور
ورجلنا ف الصخور
زهقنا بس ياعمنا 
واهو انت شايف اننا
حملنا زايد علينا
وكمان ضهرنا مكسور
بتقول لازم تطوووول ؟؟!!
ماهو انت اصلا كدة
منتش حاسس بنا
مش حاسس بالغلابة 
واحنا قلبنا منحووور
ااااه!!!!!!!
علشان نكون نسور
او يجى يوم نلاقى
مرة نفسنا بتثوور؟؟
واما النهاية تقرب
.. نصبر بعدين ننول!!!
وايه الدليل؟؟!!!
متقول ياعمنا
والا انت قاعد بس
تحرق ف دمنا
حاسس بقهرنا؟؟!!
حاسين اننا ليه
دايما لوحدنا
مغلوبين مقهورين
ودى الحقيقة والله 
احنا مش مبسوطين
فضحانا عيونا دايما
ودايما مهمومين 
وياريتنا مستورين
بنقول تعالواوشفونا
لما كنا مصمميين
نوصل لهدفنا 
وعمرنا ماارتحنا
المصيبة ف سكاتنا 
طب نعمل ايه ف صراخنا؟
نكتمه جوة روحنا
واهو ضاع جوة صوتنا
حلمنا وحلمكوا
وآدي ريشنا اتنتف
ولا انتوا همكوا
طب اسالوا نفسكوا 
عمرنا راح فين؟!!
مين فينا زيكوووا
كلكوا كدابين
وفلوسكوا لنفسكوا
اهو اتسرق منا 
ياخويا و منكواا
اطفالنا راحت فين؟؟؟
راحوا ضاعوا زيكوا
اطفالنا كانت بتحلم
بهدف كان نبيل 
وتحققه وسطكوا 
بس النهارده لازم
احب اقولكوا
ولافيه نبيل
ولاحتى جه سليم
يصلي عصركوا
لازم تصارحوا انتوا
نفسكوا بنفسكوا
ده الالم كان منا فينا
بيشتكى
والجوع ملازم سكتي
وباللى عندك قضي يومك 
وبالقديم كدة قضي عيدك واتكسي
يعنى مقدمناش غير
بس نرضى ونختشى 
ونوفر لعيالنا الجنيه
وتقولوا ليه؟؟؟!!!!
اقولكوا....
من ساعه ياخويا
مااتعوم ده الجنيه
ابكي عليه وقولوووا لييه؟؟!!
لازم وغصب عنكوا
تبنوا البلد دى بدمكووا
لانها كدة وباختصار 
بلدنا وفيها الانتصار 
ولانى بحب كل شبر فيها
بقولكوا
ويستحيل لاانا ولا انتوا 
نتمنى ليها الانهيار 
من غير فصال....
تعبااان لكني بحب بلدي زيكوا
لانها كدة باختصار 
حضنى ووطنى بافتخاار
ولازم كل شبر فيها
يهمنا ويهمكووا