هي الحريه بتقول مش من حقي اغير واتغير
وانت لبسه بلوزه ديقه وبنطلون چينز يحير
وجسمك متقسم يغري ومشيالي بالمدير
الظاهر اخرتك قربت ياروحى وعمرك قصير
الروچ علي شفيفك يسطل
والبدره علي خدودك تخبل
والنظره من الانسيز تهبـــل
انسى ياروحي كدا مش هقبل
مهما كان جمال يقتل
انا محتاج انسانه لنفسي اعشقها وتعشقني
انسانه تقدر مشاعري ولعيونها تشوقني
محتاج انسانه ارجع تعبان بنظره تروقنى
مش انسانه تبين مفاتنها وبنارها تحرقني
وكل شويه اعمل خناقه وف مشاكلها تغرقني
انا محتاج اعيش في هدؤء محتاج قلب رقيق
محتاج اعيش قصة حب مش ف نار وحريق
محتاج اعيش ف واحة غرام مش فبحر غريق
محتاج امشي فطريق واحد مش في الف طريق
محتاج حبيبه تقابلني بعد شقايابكلمه تبل الريق
هي الحريه قالت لك تمشي تتعايقي وتتقصعي
ولما حد يغلس ويعاكسك تبكي وتدمعي
ولما تروحى تقولي تعبانه ومن الآه تتوجعي
ولما حبيبك يقول محتاجلك تتقلي وتتمنعي
ساكته ليه مش عارفه تردي ومش قادره تجمعي
لانك عارفه انك غلطانه وماشيه بعقل عنيد
ومش هترتاحي الا لما اقتل او تشوفيني شهيد
فين الخجل فين الحياء فين عادتنا والتقاليد
ياريت كلامى اللي بقوله كلمه منه تفيد
كفايه بقي وحسي بيا ولا نفسك تشوفيني فقيد