وراحت الحنيه من قلوبنا في دنيا فانيه
وضاعت منها ناس كتيره گانت علينا غاليه
ضاعت ومعاها احلي أيامنا وأحلي ذكريات شبابنا
حتي المعاني الحلوه اللي گانت تاهت وراحت من قلوبنا
وبقينا في دنيا مفيهاش حب ولآحنيه
دنيآ بالغدر والظلم مليانه. دنيا مليانه هجر وخصام وأسيه
وبقينا فيكي ليه يادنيا كلنا عايشين تايهين
ليل ونهار بتغدري بينا واحنا بيكي مش حاسين
ولآ حاسين بقلوب حبتنا وياما عذبها الشوق والحنين
توهنا فيكي يادنيا ومش عارفين فين رايحين
كل واحد فينا تايه في حاله وتاهت معاه كل احلامه
ونسي احاسيسه ومشاعره وجري ورا أوهامه
ونسينا في زحمتك يادنيآ قلوبنا وحبايبنا وراحة بالنا
وبقينا فيكي يادنيا عايشين والحزن جوانآ واتغير حالنا
وقلوبنا تاهت عن الحب والحنيه ونسينا هما دوانا
ودوا نفوسنا وراحة بالنا ونسيم هوانا
وطلعتي يادنيا غداره وغدرك قاسي علينا
ودموعنا ليل ونهار سبقانا وما بتفارق عنينا
وغابت البسمه والضحكه والفرحه عنآ في كل ليالينا
حتي السؤال بينا غاب واتنسي. وضاع معاه احلي مافينا
ووسط الزحام جرينا ورا اوهامنا ونسينا أحلامنا وأمانيآ
ابكي ياقلبي قبل ماتبكي دموع العين
هي الناس الحلوه اللي كانت بينا راحت فين
راحوا الغاليين من بين ايدينا وفرحتنا معاهم راحت
حتي الكلمه الحلوه من بين شفايفهم عنا غابت
آه منك يادنيآ وآه من غدرك يادنيا آه
ليه يادنيا خدتي الفرحه من جوانا وسيبتي معانا كُل الأآه
وخدتي منا احلي مافيكي يادنيا وجرحتينا
ومن حبايبنا الغاليين علينا ومنورين حياتنا حرمتينا
وسيبتينا نمشي وراكي بالمشوار وطلعتي يادنيآ غداره
وداريتي علينا يادنيا إنك دنيا فانيه وعنيكي مكاره
ونسينا إن احزانك وافراحك علينا يادنيآ دواره
ياخساره عليكي يادنيا وعلي الحنيه يآألف خساره
ومهما كان الندم فيكي يادنيا وندمنا ماينفع معاكي ندامه