لاموري ف زورى ..رفعت ضغطنا
ضحكت الناس علينا وضحكتنا
ركنت ناس ع الدكة وركنتنا
100 مليون مش عجبينك..
يلا غوووور من هناااااا
كَرَّهت صلاح ف الكورة وكَرَّهتنا
سديت نفس اللاعيبة وكمان نفسنا
حسينا اننا ولا حاجة وحرقت دمنا
*************
لاموري ف زوري.... وعندى اكتئاب
بيعمل ف حلقي.... مرارة وعذاب
عشنا حلم جميل ...وطيرنا ف السحاب
اتاريها خطة فاشلة...وفجاه لقينا سراب
********
لاموري ف زوري ..ضيعت حلمنا
وكانت خطة فاشله. .ونفذ صبرنا
.ماقولنالك تسيبها..ولا توجع قلبنا
ومن اولها ترحل...وماتوجعش دماغنا
ولا ترفع ضغطنا...
******
وجع ف زورك... وقلنا حنغلب آسيا
وصلاح اهو معانا ..نجلجل ف روسيا
اتاري احنا ضعنا.....و بيك احنا صعنا
وبسبب نحسكوا ..ياشوية رقاصيين
مين قالكوا تسافروا ...عاملين فنانين؟!
متلموا نفسكوا........ على فين رايحين؟!!
رايحين تاخدوا سلفى ومن هنا نقول آمين
شاربين احنا المر ..........وانتوا فرحانين
**********
لاموري ف زوري ..قهرت شعبنا
بشويه اونطة .....وجبت رجلنا
يلا غور وانكشح اوام من هنا
يلا بقى لم .....عزالك وغووور
مفيش شويه دم.......... امشي 
ياحتة تور
*******
لامورك ف زورك.. يلا وجع ف زورك
يلا ياحبيبى قولنا.. طريقك من هناك
متنساش الجوابات ..ورد الباب وراك
مش عايز اشوف وشك
ولا حتى المح قفاك.
بندعيلك رب يخدك 
ولا حد يقول شفاك
********
لاموري ف زوري ..الشعب ده غلباان
ياعينى كان نفسه يفرح ويغير الكلام
لكن وردة وفتحى... عافروا من غير كلام
و النحس كان صايبهم واهو خلص الكلام
لم الفرش انت وهوة ....وعليكم السلام
ونرجع نرش مية ..تانى ادام الدكااااان .