حبيتك واخلصت في حبي ليك وهان يخساره حبي عليك
وگان عشقي ليك مجنون وقلبي الحنون مشغول بيك
وبعد ماملكت قلبي وروحي وبقيت لحبك أسير
وعشان طيبة قلبي معاك إتعودت تقسي عليآ كتير
وهجرك ليآ وبعدك عني وغيابك خلآني اتمنيت عمري يبقي قَصِيِيِرْ
حبيتك بكل جوارحي واتمنيت رضاك
وانت تظلمني وتظلم قلبي ليه معاك
تروح وتبعد وتغيب عني ايام وليالي وتفوتني ليه وحدانى
ازاي احبك وأوفي في حبك واصون ودك وانت يخساره تنساني
ليه ياقاسي تخليني احبك واصون عهدك وتبقي في هواك أناني
ويهون عليك تهجرني وكل ماشتاق اليك تزيد عذابي وحرماني
دانا من كُتر حُبي ليك وقسوة قلبك عليآ باسهر الليالي صعبان عليا حالي
ولما افتكر حنية قلبي معاك وصبري عليك طول عشرتي وياك تبكيني اللَّيالي
وعنيآ صعبان عليها دموعها علي قلبك القاسي إللي من الوفا خالي
والآقي طيفك يشغلني ياشاغل بالي في ليالي هجرك وبُعدك
وييجي يصبرني علي ظلمك وجفاك والقاه يفكرني بليالي أيام ودك وقُربك
أرجع وأحن اليك تاني والآقي حبك شاغلني وشاغل فكري وخيالي
ويديني حبي ليك الأمل انك في يوم هتجيني وهتحن عليا وترحمني
ومش هتقدر تبعد عني تاني وتبقي اناني في حبك وتبطل تهجرني وتغيب عني
وتضحك ليا أيامي لَّمآ ترجع لحضني تاني وتراعي ودي زي زمان
هتلآقيني غصب عني جريت عليك ونسيت قسوتك وجفاك مهما كان
عشان صعب عليآ أنسي حُبك اللي ملكني وملك روحي وقلبي
وشوقي اليك وحُبي ليك هينسيني ظلمك لو راعيت تاني ودي وقَدَرّْتْ حُبي
هي عشرة سنيني معاك ياقاسي تتنسي مهما كان بينا وتبقي ذكريات
دالحب والحنيه وليالي الهوآ والغرام ماتتنسي مهما بِعِدتّْ بينآ المسافات
والليالي اللي سهرتهالك والدموع اللي بكيتها بحور عشانك ومعاها الأهات
هُمآ اللي هيخلوني انا وقلبي وغصب عني أسامح
وكل ليالي هجرك وجفاك هننسهالك
لمآ تيجي لحد عندي وتصالح
ومهما لآمونى العوازل خليهم يلوموا كله في هواك ياحبيبي يهون
بس ترجع لحضني تاني ونعيش أحلي ايامنا وتكون ليآ حبيب حنون