ياعـم ياصيــاد،
لية شبكك ملوش عـزيــز ولا غـــالى
لا إصطــادتنى وإكتفت،
ولا سبنى أرحــــل لحــــالى
ياعـم ياصيـــــاد،
هـو إنت بتصطاد حبا فى السمـك
ولا الصياده عندك غيه وتسـالى
ولا بـدور على سمكه تعشقــــــــك
وتعـــوم ف بحـــرك الخــــــــــاالى
ولا لعبتـك تفــــرق بين القلــــــوب
وتقـول كلـة على الجبين مكتـوب،
آرزاق وانا مالى
ليه خطفتنى من حبيبي
وحرمتنى من دوايا وطبيبي
وضيعت آحلامى وكل آمالي
رجعنى تانى اعيش ف دنيته
دا حبه سعادتى وعشقي متعته
والحياه من غير حضنه ماتهنالى
ياعم ياصياد
عارفه انى بنفخ في قربه مقطوعه
ومش حاسس بيا قد ايه موجوعه
خد معاك روحى ومنديلي وشالى
يمكن يحكوا لحبيبي عن حالى
وقد ايه كنت ف شباكك مخدوعه