ازاي ياقلبي تحبه وتعشقه وتهون عليه يجرحك
وليه جرحه وقسوته تضيع البسمه منك ياقلبي وِتّْمَوِّتّْ فرحتك
وهو فرحان بإحساس إنتصاره وناسي أيام غرامك ومحبتك
وجاي ندمان بعد ماتعودنا علي بعاده يطلب منك تنسي القسوه وتسامح
وازاي ياقلبي بعد ماكنت دايب في محبته يكون ليك جزار ودابح
ويداري القلب جرحه لماَّ من اقرب الناس ليه ينغدر بيه ويندبح
ورغم ألألآم الكتيره اللي جوانا وكان ممكن نداويها بس من غير ماننجرح
علشان الجروح لمآ بتكون من عُزاز علينا بتبقي صعب علينا ننساها
هاتعز نفسنا وهتصعب علينا حنية قلبنا لحبايبنا وإحنا طول عمرنا بنتمناها
هما ليه حبايبنا ياقلبي دايماً علينا قاسين وبيظلمونا
واحنا دايماً بننسي عمايلهم فينا 
وِنِلاقهُم برضوا بيقسوا علينا
هو يعني علشان بنحبهم ومانقدرش نتحمل بعدهم والحزن هيبان فعنينا
ولآ علشان صعب علينا ياقلبي هننسي حبهم حتي وهمآ بيهجروناوبيجرحونا
واللي باقي من عمرنا هنعيشه في عذاب علشان من جوانا ياقلبي همآ كسرونا
إصرخي ياروح وابكي ياعيني علي حب راح وفوق ياقلبي من اوهامك
اهجرهم ياقلبي زي ماهجروك واهجر كمان معاهم خيالك
اللي انت عايش فيه.وكفايا عليك تعيش مع اللي همآ فعلاً أحبابك
اللي بعد ماسيبتهم وجريت ورا أوهام في الخيال وهمآ لسه بيتمنوا ياقلبي ترابك