جارى التحميل
استخدم زر ESC أو رجوع للعودة
ونتقابل وننسى / كل ماجرى لنا
ونأخد بعض بالاحضان / ونسأل كيفها احوالنا
ولا يمكن فى يوم نسمح / لشوق يزيد فى اذلالنا
ولهفه م الحنين تهمس /بكلمه حب فى سؤالنا
ودمعه حزن مخنوقه / تسيل مع لحن موالنا
وصرخه روح مكتومه / تكسر كل اغلالنا
ونظره عشق محرومه / نعيشها ف كل احلامنا
ودقات قلب موهومه / بتحكى كل ماجرى لنا
وزهره بريئه مرسومه / رسمها الوجد فى خيالنا
ولحظه هجر مشؤومه / بتسرى ف كل اوصالنا
وفرحه قليله معدومه / تجدد كل أمالنا
نفوس عاشقه ومظلومه / ودنيا ظالمه امثالنا
صادفت قلوب الفرحه فيها مقسومه / فرِحت لهم وقلت يارب عقبالنا
