ياللي بقالي سنين وسنين بحبك وقلبي دايب في هواك
ليه سايق عليآ دلالك وانت عارف اني بعشقك وبتمناك
دآ انت حبيبي وانت غرامي اللي ملكني وملك فؤادي
وروحي ياحبيبي عايشه فيك من يوم ماحبيتك وصاين ودادي
والماضي وايامي اللي ضاعت من عمري قبل ماشوفك نسيت ألآمها
وايامي اللي جايه اتمنيتها معاك ياحبيبي وجايب معايا احلامها
وسهرتلك الليالي ومن عذابها عمري مااشتكيت إلاَّ لحالي
حتي في منامي كان طيفك بيشاغلني ياحبيبي ليلاتي
ليه ياحبيبي سايق عليآ دلالك ولاَّ علشان بتحبني وبتهواني
ولا مش حاسس بيآ وبعذاب غرامي وفيه ليك غيري حبيب تاني
ولا عمرك ياحبيبي ماحبيت ولآ بنار الشوق مره اتكويت
حيرتني وشغلتني وياك ياسايق عليآ الدلال
قوللي وطمني وريح الفؤآد والفكر والبال
وريحني بتهواني ولاَّ أنا لوحدي حبيت وهويت
ولا انكتب العمر كله على قلبي وفؤادي العذاب والضنا
وهفضل عايش بناري لحبيب حبيته الحب كله وهو ولا هنا
قول ياحبيبي قول ومهما كان من الجواب قول واتكلم
قول ياحبيبي وماتسبنيش اتعذب بنار حبك لوحدي وأتألم
قول ومهما كان من جوابك مش هقدر انساك وهفضل احبك واعشقك
وعمري ماراح انسي نار شفايفك ولا حسنك وابتسامتك وضحكتك
وكفايه عليا نسيت النوم وعشقت سهر الليالي الطويله علشانك
وعشقت سحر عنيك الحلويين وعشقت فيك رقتك ودلالك
حتي قلبي ياحبيبي لما كنت يوم بتفرح كان بيحس بيك وبفرحتك
ولما كنت تمشي وتتدلل كان بيحس بجمال ورنة خطوتك
وقلبي تاني ياحبيبي بيسألك سؤال أخير عن هواك
بتحبني وبتهواني ولا عمر الهوى ماقرب ناحيتك ويحاول غصب عنه ينساك
قول ياحبيبي ياللي دلالك صحي حبي وصحي شوقي وصحي ناري وخلقلي فرحتي
قول ياللي حبك وغرامك غيرلي حياتي ومسح آهاتي وملا عليآ دنيتي