هابعد عنك حبيبي سامحني غصب عني
علشان حبي وحبك معذبك ومعذب قلبي
وعلشان بحبك ياحب عمري وبهواك
هابعد عنك رغم اني مش هقدر انساك
لكن ساعدني وانساني ياحبيبي وعيش حياتك
وانسي غرامي اللي گان وانسي روحي وغرامك
وعلشان بحبك ياعمري مش راح اكون انانيه
ومش هاعيش معاك يوم تاني من الليله ديه
شايفه عذابك فعنيك ومش قادره اسعدك
وغصب عني مش قادره احققلك امنيتك
وده ياحبيبي لابايدك ولا بايدي ده قدري ونصيبي
انت اول واخر حب فحياتي وعلشان انت حبيبي
هابعد عنك واضحي بسعادتي علشان تعيش
ولفين ياحبيبي هروح وليه متسألنيش
هاسيبك وده نصيبي لحد غيري يسعدك
ويحقق أمنياتك ولإبوتك ما أقدرش أحرمك
وهادعيلك ياحبيب عمري من كل قلبي
تتهني ياحبيبي وضي عيني ويفرح قلبك ربي
وتحقق اللي مقدرتش غصب عني عليه
وماكنش ليا ياحبيبي ذنب ولا ليآ يد فيه
وهادعيلك مع حد تاني غيري يرزقك ربي بيه
بس ابقي ياحبيبي علشان خاطري عليك طمني
ولما ربي يفرحك ويحقق مرادك ابقي فرحني
علشان تكمل ياحبيبي جوايا ليك فرحتي
وما اندمش يوم من الأيام علي تضحيتي
وروحي ياحبيبي اللي لسه عايشه فيك ترتاح
ولما أشوفك عايش سعيد متهني هانسي كل الجراح
واتحمل بُعد روحي عني مادومت ياحبيبي شيفاك متهني
ماهو ياحبيبي غصب عني عزة نفسي تمنعني
إني اشوف واحده غيري في حضنك وفيك تشاركني
الوداع ياحبيب قلبي الوداع ياحب عمري
ومن غير اي دموع لاتبكي ياحبيبي ولا أنا هابكي
بس نفسي ياحبيبي قبل ما امشي تيجي ابوسك واخدك في حضني
واشوف ابتسامتك ونظرة عنيك بعيني قبل ماأمشي
الوداع يااجمل وأغلي ايام حياتي
الوداع ياكل احلامي وكل ذكرياتي