بعتب عليك من عشمي فيك
دايما ياغالى
وياريتك تعرف اللى م الأشواق جرالي
وف بعدي عنك شفت إيه من الليالى
ولا دقت طعم الفرحه ولا حتى فى خيالي
بعتب عليك من عشمي فيك
نسيت قلوب تعشق تدوب فى بعض 
أنا قلبى داب حيره وعذاب فى البعد
مش قادره أبدا عل الفراق إرجع دلوقت
ماكنش فيه حاجه بينا إسمها كسوف
كان حبنا كاسر جواااانا أى .خوف
. كنا أقوى من المواقف والظروووف
إحساسي بيك أكبر كتير من الحروف
مش لاقيه كلمه توصف هوانا مهما 
أتجمعت كل المعانى كل الحروووف
أيوه بعتب عليك
بعتب عليك من عشمي إستنى حبه
دا اللى بيني وبينك يتوزع على الأحبه
ويفيض كمان أصله زايد ياحبيبى حبه
بتقولى مايفدتش بينا العتاب
وأنسي اللى بينا وكفانا نكون أصحاب
حرام عليك كفايه تقل وعذاب
مستحيل دا يكون بين الأحباب
كدا بتقفل كل الحياه فى وشى 
ومايتفتحشى تانى ليا باب
بعتب عليك