أنا اللى إذا .. وانا اللى لو 
وانا اللى نفسى بقى تحلو
أنا اللى بعمل هيصه وزيطه 
وإسمى ممسوح م الخريطه
أنا اللى رجاله وستات
وانا طوابير الإنتخابات 
العنوان .. حارة الغلابه
ناس مفيش فجيوبها هبابه
ساكن فحاره من جوا حاره 
وممعاييش حق السيجاره
معاش بيخلص نص الشهر 
والنص التانى بقضيه قهر
أنا اللى مهنتى عيان
أتفرج على عيشة الأعيان 
أنا اللى ابص وانا اللى اشم
تشخطوا فيا اسكت واتلم
أنا اللى كل حاجه فوق راسى
وانا اللى بسكت واعمل ناسى
دولار يزيد .. فوق راس أمى 
مشروع جديد .. تاخدوه من دمى 
بقالى سنين والقبض وعود
بصرف م الأمل الموعود
أنا اللى خدمت سنين وسنين
وفلوسى خدوها التانيين
أنا ماشى بوحد ف الواحد 
أنا الطابور بتاع يوم واحد
أنا اللى سمعت حكايه قذره 
أخدتوا منى اديتوا للوزرا
أنا مش خامورجى ولا حشاش 
دنا ع المعاش وقليل لوعاش
على المعاش