يحميكم ربنا ياولادنا 
وينصركم على كل خسيس
ارواحكوا وهبتوها لبلادنا 
والغالى علشانها رخيص
ربنا وياكوا يسدد خطاكوا
والكل فضهركوا ووراكوا
من غيركوا هنروح فطيس
شد الحيل ياجيش ياأصيل
واضرب ياجميل حبة مهابيل
رجاله أبطال جيل ورا جيل
واقفين على حدودنا متاريس
وروهم العين الحمرا
إحبطوا يللا أى مؤامره
حرروا كل الأرض السمره
واقضوا على كل المتاعيس
إقطعوا م الشجره الفرع المايل
الإرهاب يفنينا لو طايل
ياما عملوا ف بلدنا عمايل
كلها مكتوبه فى الكراريس
كلمه هقولها لولاد بلدى 
هاتوا إديكوا حطوها فيدى
ساندوا جيشنا خلوه يعدى
يكنس بلدنا من الملاحيس
إوعوا تساندوا فيوم إرهاب 
دا ياما ورانا مرار وعذاب 
فاتحين لحبايبه خمسين باب 
يخرجوا مش ناقصين تغليس