آسفه
آسفه يا ابني إني
كنت ليك ضهر وسند
ضحيت بعمري سنين
كتير من غير عدد
لايوم هتشيل جميل
ولايوم هـ تكون سند
أنا ب اعتذر ولأني
فاكرة انك إنت مِني
ضاعت معاك الأماني
واهو ضاع معاك زماني
دور على ام تاني
يمكن تكون لك سند
ب اعلن واقول الوداع
كفياني عمري اللي ضاع
وسنين ماليها الضياع
ع اللي اشتريته وباع
وخسارة فيك الوداع
عمرك تعيشه في كبد
بكره الأيام تدور
والدايرة عليك تدور
يوم تترد المظالم
على كل عاق وظالم
ربك وحده اللي داين
والدين يرده الولد
