صباح الخير..يوم طيب وجمعة مباركة..نحن شعب أدمن اﻷزمات والوقوف طوابير..امام المخابز..المجمعات الاستهلاكية..البنوك..بقال التموين.. وبمناسبة ازمة السكر كتبت هذه القصيدة بالعامية المصرية من خلال كشف القناع عن المنافقين والذين يقولون مالا يفعلون وإليكم هذه القصيدة
☕☕ السكر المغشوش ☕☕
أصل السكر بقى مغشوش
والناس بقى ليها
بدل الوش ..وشوش
إجرى.. بص.. حلق .. حوش
كتكوت وبقاله ريش
فاكر نفسه ديك منفوش
وإن زيه فى الدنيا مفيش
وهوه يادوب..
منفوخ ع الفاضى
عاطل وعامل قاضى
والخيبة إنه..
بنص لسان..
ألدغ.. وبيلدغ..!
زى العقرب والتعبان
وده طبع الجعان
لما يلاقى نفسه فى يوم
شبعان

《 عجبى》