غلطان لو لسه فاكر أسوتك مغيرتش حبك فقلبي وهواك
وإنك مهما آسيت عليا وظلمتني مقدرش أبداً أنساك
ولو كنت فاكر بكلمتين فالغرام تقولهملي أصدقك واديك الأمآن
ولآ تقدر تخدعني تاني لمآ تقوللي بحبك وبتمناك
إن گان تبقي عمرك ياعمري ماحبيت وكان قلبي غلطان
...............................................
أيوه صحيح أنا حبيتك وبدوب فهواك
من زمان
بس إسأل روحك ليه قلبي إتغير وبيحاول ينساك
ياما سامحتك وجيت علي قلبي وكنت دايماً بترجاك
وحاولت كتير أنسي لمآ آسيت عليآ وقلبك للوِدّْ وللعهد خان
وقدرت أتحمل بُعدك عني لّما ظلمت قلبي وهان عليك
إزاي تظلمني وتأسي عليآ وانا اشتاقلك وأحن اليك
................................................
ممكن أنسي وكمان أسامح لو قلبك إتغير وجيت تترجاني
وترجع حبيب حنين زي زمآن مش آسي و أناني
وتصون الودآد وتشتاقلي لو غبت عنك ثواني
وأحس بالحنيه فعنيك ومن لمسة إديك إنك لسه بتهواني
ولو عايز تبعد وتهجرني متسألش عليآ تاني ولآ تستنآني
وإن كان قصدك تعذبني وتلوعني تبقي للأبد تنساني
هدوس علي قلبي ومش هشتاقلك ولا هسأل عليك تاني
...............................................
ومن النهارده لوقلبك ماتغيرش إنسي الحب اللي بيني وبينك
عمر الحب ماكان عذاب ومرآر ولآ أسوه بشوفها فعينك
وآخركلمه هقولهالك لوشاريني وشاري ودي لسه فإيدك
وبلآش الأسوه تضيع أحاسيس جميله لِّسه فقلبي وفقلبك
وتعالي نسامح ونفضل حبايب وبلاش عِناد وتنسي عيبي وأنسي عيبك