عليل ووصفولي يجي 300 وصفه
نص الرغيف لعيالي والنص للرشوه
علي بابك الموصود مدبوح انا
وف كل طوابيرك دمي بيتصفى
ورهنت خلجاتي ورقصت ف الزفه
والصوره بهتانه والليل بيتخفه
والتور اهو تعب و فاضله 100 لفه
انا اللي زرعتك دهب عشمانه ف الفكه
والظلم طامح وجامح علي دمي يتمشي
__________________
وجينا نحسبها منفعش اي حساب
لا فرحه الحر ولا دمعه المجانين
يا جدول الضرب انت أكيد كداب
خلص المرتب ووقفت بطاقه التموين
ياعيون ومعصوبه والصوره عتمه ضباب
انا بشحت لقمتي وراضي سنين
طاطي عشان تاكل واتذل ع الأبواب
تموت بسمه حر وتعيش ضحكه المساجين
___________________
رميت انا زهري واللعبة خلصانه
مفهمتيش المعني اللعبه ليها شروط
صوتها وكان مبحوح وهي سامعانا
مركبي قش وكتابي مليان هم وسكوت
اصحي علي طهري وأنام علي خيانه
والقطر علي رقبه فقير جعان بيفوت
يلي نويت الا مامه ليه تضوي بدمانا
تزعق حروف الذل وتجلجل الملاكوت
ياللي نويت تصرخ جهز كفن وحنوط 
_____________________
يالي رضيت بردي ومن عضمي تددفه
الريح هاجم مركبك واهي مالت الدفه
احنا مثال الخبث وأنتم مثال وهم للعفه
خوازيق ومتاريس في حلم شايفه كابوس
اصحي علي تدليس وانام ولا اتعشه
واللي نهب دمنا وقوتنا فينا بيتشفه
______________________
أشرب عشان تنسي اشرب كمان
المر ليه ناسه وعانوا والهم للجدعان
كاس وداير لا تقولي شجيع وجبان
طعم الهموم واحد والجوع والحرمان
اشرب عشان تنسي اشرب كمان
اشرب وناولني شرب المرار نشوه
نص الرغيف لعيالي والنص للرشوه