اْشوف وشك بخير في زمن المسخ والطبل والتزمير هما اساس النسخ وياما شوفت كتير عمر قلبي ما نخ تعبت من المشاوير و ف كل شارع فخ - اخر واحدة حبيتها عملت من الاشراف و الخير في نيتها و مابينا إستلطاف لما ظهرت حقيقتها خبرتها ف الانحراف في تدنيها ودنائتها عابدة قرش وصراف - القسوة ليل مجاريح والشمس مش بتعود والكل في المراجيح بين القلوب السود طالعة ونازلة الريح تمسح كل الوعود كداب لانه صريح وشمال كذا موجود - مافيش غيرك معايا واموت يوم الفراق حقك تقولي لولاية كان مات بالإختناق قدري سجن جوايا مشاعري والاشواق طلع سر الحكاية ازمة حب واخلاق
