ولإني مصري بحبها
أتحدى أي صعب
دي بلدي ومين يذلها
في سلم أو في حرب
إسمك علم يابلادي
من شرق أو لغرب
 
حتى إن ف يوم
الدمعة نزلت ع الخدود
العمر ما يرخص ترابك
ولو شاب لي الوليد
يانجمه عاليه في السما
نصرك دا أكبر  ملحمه
يا صاينه عرضي و الحدود
 
ستراني وإن عشت الشقا
حمياني من كل العِدا
مسلم مسيحي عايشين أمان
ولايوم يفرقنا الزمان
ومتأكده
عشقك بيجري ف دمي
شلال  للوريد
 
يامصر يا أم الصبح
ومنور ليالينا
وبالعزيمة يامصر أمجادك بتحيينا
وللريادة مكان طارح أمل فينا
و قلوب رجال حالفين لتحمينا
مِدي الإيدين يابلادي بالفرحه ضمينا
 
ولإني مصري بحبها
أتحدى أي صعب