قبل ما تقول انك تسيبنى
لا تعالى.. قوم حاسبنى
اسألني : ليه انا بعند ؟
قول لنفسك ليه بتبعد ؛
قلب واحد مش راضيك
ليه تفتش فى ماضيك
ليه يا روحى ملكش حاضر
ودائماً بقلبى تلعب تغامر
بعت قلبى للعوازل
وقلبى الوحيد هو شاريك
كل مرة اصالح واسامح
وقصتى معاك ملهاش ملامح
كل يوم تتعاد حكاية
لأجل ما نعيد البداية
خلاص زهقتنا حكاويك
يمكن يكون عيب اختيارى
لما شفت فيك نهارى
معرفش أنك انسان انانى
والف مين ينده عليك
خلاص روح سكة سلامة
جرحك بقلبى علم علامة
طريقك أخضر أزرق 
انت ونصيبك
عمرى ما حسيت انى حبيبك
بس لو يرجع زمان
اكيد كنت هبعد عن طريقك
وارفض اسمع غناويك