خساره شبابى / وعمرى اللى فات
وسهرى وعذابى / وقلبى اللى مات
وفى سطور كتابى / حروفها اهات
ظننتك حبيبى / لقيتك حقود
حسبتك طبيبى / بتشفى الخدود
وتطفى لهيبى / وتهدى الورود
لقيتك بتشعل / فى قلبى جراح
ومن دمعى تنهل / بحور البراح
وتقطع ماتوصل / بكل انشراح
خساره تجدد / ف قلبى الامى
بكلمه تحدد / نهايتى وحطامى
ودايما تردد / ان فعلك ده سامى
حقيقى كرهتك / كرهت الحياه
وتتعبنى سيرتك / ف صبحى ومساه
خيالك وصورتك / ك وهم ف مياه
خساره فى حبك / ضللت الطريق
وحتى فى قربك / ماكنتش رفيق
فى هجرك وبعدك / بتشعل حريق
كرهتك لصدك / لقلبى الرقيق