ياواحشني وواخد قلبي وروحي وعقلي معاك
ومهما آسيت عليا ياحبيبي عمري فيوم مانساك
ياتري ياواحشني امتي ترجع لحضني وتطفي نار الأشواق
وترجع ليالي حبنا وغرامنا وننسي أيام الفراق 
.............................................. 
دا انا ليلي نهار ونهاري ليل طول بعدك ياغالي مانت اللي لياّ وم الدنيا بتمناه
سامحني ياحبيبي عشان الحب
اللي بيني وبينك يكبر ونرعاه
ويهدي قلبي وترجع ليا روحي والبال يرتاح 
ياحبيبي البعد كاويني والهجر آه
وجراح
ودقات قلبي منهاره ياحبيبي من يوم البعد والغياب
والعين جفاها النوم وشكت الجفون من سهر الليالي والعذاب
..............................................
ياحبيبي الشوق اليك دوبني 
وبعدك عني تاعبني ومعذبني
وحنيني لحضنك ياحبيبي ملوعني
والسهاد انا فيه ليل ونهار وماسبني
ومن يوم مابعدت عني ياضي عيني
وانا شارب كاس المرار
وكفايا ياحبيبي سامحني حارمني من الحنان ومعذبني ليل ونهار
ياتري ياواحشني عامل ايه حبي معاك
دانا ياحبيبي بموت كل ليله من هجرك وجفاك 
.....................................
والأيام في بعدك ياحبيبي بتعدي سنين
سامحني ياحبيبي وانسي الأهات والأنين
وألم الجرح اللي غصب عني سببتهولك
دا انت ياحبيبي سقتني حنان عمري مانسهولك
وكفايه أيام عدت عليا سنين محروم فيها من حنانك
طمني عليك ياحبيبي ولو بكلمتين يريحوا قلبي في غيابك
............................................
فاكر ياحبيبي يوم مازعلت مني وكان الخصام
ليلتها جاني طيفك وزارني في المنام
وخدني وطيرنا سوا فوق فالسما
وهناك طبعت علي القمر صورتك
ومن يومها سهران الليالي عشانك
وعيني علي طول باصه ع القمر
خايف اغمضها يحرمني منك ويدخل جوه السحاب
وهفضل كده علي طول ياحبيبي
لغاية ماترجع وترحمني من العذاب