ولسه باحلم بيوم / تكونى سعيده مبتسمه
وقلبك فى الهوى بيطير / مع القمره مع النسمه
ونتقابل انا وانتى /مع الفرحه مع القسمه
ولسه باحلم بيوم /اشوف قلبك ف احضانى
ولا محتار ولا خايف / ولا م الهجر بيعانى
واشوف صورتك ف احلامى / لدنيا الحب وخدانى
ولسه باحلم بيوم / بكلام الناس ما تتأثر
واشوفك فى المسا كملاك / متوشح بثوب اخضر
واشوف احلامى فى الواقع /كما تمنيت بتتفسر
ولسه باحلم بيوم / تكونى ف قلبى جوايا
تلازمينى بشوق وحنان /ف ليلى وصبحى ومسايا
ولما اصرخ واقول الاه / تكونى طبيبى ودوايا
ولسه باحلم بيوم /ولا اسباب تفرقنا
قلوبنا بالغرام ترقص /ومشتعله بأشواقنا
ودنيا كلها بساتين /بأكاليلها تزوقنا
انا ف حبك صبرت سنين / وكاد العمر يسرقنا
ابات سهران وانسى النوم / وقلبى من اللقا محروم
وانا بطبعى صبور وكتوم / وبانتظرك لما ييجى اليوم