مين فى الدنيا / فى جمالك
ياساحره الكل / بدلالك
ونفسى ف احلى كلمه / حب اقولهالك
فى قلبى اغلى ياسمينه / زرعهالك
فى روحى احلى نسمه شوق / شايلهالك
وطيفى فى الفضا سارح / ياريت اخطر على بالك
وتفاح الخدود طارح / ومين يقطف يكون هالك
كلام قلبى صريح واضح / بيتلهف على وصالك
وبلبل فى السما صادح / يطمنى على حالك
وطيرك فى الغرام جارح / أقول راضى باذلالك
ولو تقسى أنا مسامح / ولو ليلى ظلام حالك
ولو فجرى بلا ملامح / ولو سهرى بيحلى لك
انا فارس عنيد طامح / طريقى فى الغرام سالك
لاأنا قاسى ولا حصانى كمان جامح / ولا فيه حد فى جمالك