يا دنيا ياغرامي
يافيس ياانستجرامي
حياتنا صوت وصوره
متسجله بالثواني
ويا فرحي واحزاني
واضح ومستخبي
بينتشر بره وجواني
كله مهووس بالحياه 
في العالم الاناني
تكنولوجيا لوبيا
ضيعت معنى الصداقه
متعرفش مين مع مين
ومين صادق ومين بيعاني
تمثيليه في بث مباشر
تبدأ وتنتهي في ثواني
وكل لحظه حدث جديد
ضعيف ولاشديد
بيتشير في ثواني
كذب ولا صدق
كله بينزل في تفاني
فهم ولا مفهمش
المهم يبقى مواكب 
مع رامي والتهامي
والصداقه تبقى عزيزه
لو كترت لإيكات وتهاني
شفت بقى صوري 
على انستجرامي
ناس بتكتب 
وناس تشارك من فلان 
عمنا الحرامي
خبر مدسوس
ومش مدروس
ولا حتى باينه الاسامي
وناس جهابذه 
عامله دكاتره وكمان اساتذه
في التقعر والتنظر
ولما تيجي تعلق 
كفايه لايك مافيش مناقشه 
أصلها اساتذه واصله اديب
ماينفعش ينزل لمستوانا
وده مذيع عمال يذيع
وقته حته من دهب
ماينفعش يرد على الرسالة 
مثقافينا على بلدنا عاله
واكلنها والعه ملبسالنا حتى الاونطه
هقول كمان على تويتر بالجرام
مسموحلي انشر فين دا الكلام
جمهوري العزيز 
هبث الآن فيديو لذيذ
من السرير وتشوف العجب
وصدر كبير حاجه تغيظ
وارجع اقولك كان غصب عني
انا بعاني من كتر فني
مع تحياتي مع سلامي
كله فاتح بث مباشر
من اي حته من السرير ولا الحمام
خلاص سلام على الاحترام
يادنيا ياغرامي 
يافيسي ياانستجرامي