طبيعة الدُنيا فراقه وسراقه
بتسرق منا أغلي الناس
لكن هانت يا غالي خلاص
ما عاد في العُمر قد ما فات
ومهما العُمر بيا يطول
أكيد جايلك وجي اليوم 
اللي هصبح فيه من الأموات
لكن إمتي ؟؟؟إمتي اليوم ده هيجيني ؟؟؟
وتجيني الناس تغسلني؛ تكفني؛ 
تشيعني وتعزي أهلي أنا فيني
إمتي اليوم ده هيجيني ؟؟؟
ده أنا والله مستعجل لرؤية 
ربي ونبيي ورؤية صُحبته كُمل 
ورؤية كل أحبابي اللي فُراقهم 
يا ناس طول إمتي اليوم ده هيجيني ؟؟؟
يريحني من اللي أنا فيه 
ده قولِت آه بتطلع مني شاقه القلب 
وأنا ما بقيتش متحمل وخوفي 
خوفي الفُرقة ع الباقي تيجي تكمل 
وأنا عايش وأعيش أشرب في كاس 
الفُرقة أنا لوحدي وكاس الفُرقة ده حنضل 
إمتي اليوم ده هيجيني؟؟؟ ده أنا والله مستعجل 
إمتي اليوم ده هيجيني؟؟؟ يريحني من اللي أنا فيه 
ده أنا برغم إني سني شباب من الأحزان 
تشوفني تقول من الكُهل إمتي اليوم ده هيجيني ؟؟؟
ده أنا والله مستعجل أنا والله مستعجل