اﻷولة فى الكلام وفى المثل داعونى، والتانية باﻹبتسام وفى المثل شاركونى،والتالته من غير كلام وبالمثل أمرونى،قولولى ياغاليين إيه من المثل عايزين،واللا تسيبونى أقول اللى فى نفسى وبﻻش تلومونى:-
1- اللى اتلدغ من التعبان، يخاف من الحبل
هذا المثل كناية عن الخوف والحرص المبالغ فيه وهو يشبه فى معناه المثل الذى يقول:اللى اتلسع من الشوربة ينفخ فى الزبادى
2- اللى مايبكى على فى حياتى،يوفر على نفسه دموعه عند مماتى
هذا المثل يقال للشخص الذى لايهتم بنا فى اوقات الشدة ويقف بجانبنا عند حاجتنا إليه ،فنحن فى غير حاجة إليه وليوفردموعه الكاذبة عند موتنا
3-اللى ما ياخدنى كحل فى عينيه،ما آخده صرمة-راء ساكنه-فى رجلى
معنى المثل من لا يهتم بى لا أعبأ به،ومن لايوقرنى، لا أوقره
4- اللى مايخاف من الله،خاف منه
المعنى ظاهر من لايخاف الله فلنحذره ونتيقظ منه
5-اللى مايقدر عليه القدوم يقدر عليه المنشار
القدوم هو الشاكوش. ومعنى المثل من لم يراجع نفسه بعد إنذاره.كان استعمال الشدة معه اجدى من إنذاره
6- اللى معاه القمر مايدورش ع النجوم
المعنى إذا نلت الشرف الرفيع فلا تنظر ﻷقل من الذى معك ﻷن ضى القمر يغنى عن النجوم
7-اللى يبكى ع الدنيا..يدور عليها
المعنى من يريد الدنيا ويتعلق بها إلا بقدر حاجته إليها وإلا سيظل يركض ويجرة وراؤها ولن يناله إﻻ ما قدره الله له