يابحر قول للموج / يهدى علشانى
انا الغريق يابحر / وموجك هو الجانى
حافظ على قلبى / لو كنت تهوانى
ماهو مستحيل يابحر / اشكى لسجانى
انا عايش ف دوامه / ومقاديفى بتعانى
تاهت سفينتى خلاص / وياخوفى تنسانى
يابحر يابو الدرر / واللولى ع الصفين
واخد هوايا معاك / مااعرف رايح على فين
ياموجه حنى علينا / ورسينى على الشطين
غدرت ليه يابحر / ماكنا زمان حلوين
الغدر من طبعك / ولا انت جايبه منين
دايما تفرق حبايب / وتقتل قلوب مساكين
يابحر طال السكوت / ياريت تكلمنى
فيك السمك بيموت / صورته بتألمنى
حتى القمر بيفوت / ولا مره طمنى
فيك الحياه والموت / يابحر ارحمنى