جارى التحميل
استخدم زر ESC أو رجوع للعودة
اه ياحب من عذابك / الف اه
اه ياقلبى ضاع شبابك / تهت فى وسط الحياه
جاى تشكى من صحابك / جاى تقول فين النجاه
والدموع حرقت كتابك / كل حرف منها تاه
اه ياحب مين غدربالحب مين / كنا من غيرك ياحب مرتاحين
لاجراح ولا فراق ولا انين / دلوقت جاى تشكى م الزمن ومن السنين
كنا كالعصفور بيعشق السهر / كنا نرسل الف بوسه للفمر
كنا نرسم الامانى على الحجر / كنا ابعد مايكون عن الضجر
كنا نتراقص على نغم الوتر / كنا نفرح لو فى يوم نزل المطر
كنا كالطيور بتهمس ع الشجر / ليه ياقلبى رميتنى فى دنيا الخطر
مهما تبكى مش هاسامحك / ما انت ضعت وانتهت خلاص ملامحك
الدموع عمرها ماتداوى جرحك / مستحيل انك ف يوم هاتعود لفرحك
السفينه اتحطمت وسط المياه / حتى ضاع من حلمنا طوق النجاه
وبلغ الحزن فى قلوبنا مداه / اه ياحب اه منك الف اااااااااااااه
