وليه يا قلبي انتي تبكي
وتتقهرى كا العادة
بلاش الحزن اللى فيكي
وبلاش شرب القهوة السادة 
اشربي العسل الدنيا الصافي
وعيشي فيها صلاه وعبادة
مفيش حاجه فيها تستاهل 
دموعك اللى تنزل ب ذيادة 
اياكي واليأس يا عمري
ده موت الروح منه علامة
ولو كنتي مش فارقه معاهم
ف انتي ف قلبي شهادة 
ولو مش عارفين مقدارك 
ف انتي لغيرهم السعادة
اوعي الزعل فيكي يمتلك
وتسوء حالتك اسوأ حاله
عشيها تملي طول وعرض
ده روحنا دى علينا امانه 
دى الدنيا تقدر تفرق ناس
بس صعب تخفي الابتسامه